Ubushiku bwaleelo, pali cibili, inshiku makumi yatatu na
cimo, mumwenshi wakapepo akanono, umwak walenga amakana yabili ikumi namutanda,
bwiciba ubwansaansa nganshi kuli abo abaiposa mufikansa fyacaalo. Kumacaca,
bantu baciba abaipekanya kabili abasangalala, bacilalanga nokusangalala kwabo
ukupitila munyimbo shacimwela ishalekanana lekana. Awe kanshi umushi wacibafye
uwa pentwa namalangi yapusaana pusana ayaleimininako amabumba yafikansa
yapusaka pusana ayafikansa fyacaalo.
Kumfwa mumushi wa Chimwemwe, ku Kitwe mucitungu ca
Copperbelt, nako kwine, abantu abengi baciitumpamo muli iyi imilimo
yalicilacitika. Intungulushi ishalekana lekana pamo nabantu babo bacipanga
imilongo nokuya kulya ku Ishuko Primary School, uko ukwacibela ukulembesha nga
abalefwaya ukwiminina pacifulo cabu Shimafunde mu Chimwemwe Constituency.
Pabacifikilisha ukulembesha epali ba Ronald Manenga
abaleiminina petiketi lya UPND, ba Mwenya Musenge aba abalebwekeshapo
ukwiminina petiketi lya PF, kabili mukulekelesha caciba icakupapusha lintu ba
Mwila Mutale aba mwibumba lya PF, baciisa nabantu baabo nokwisa lembesha ukwiminina
palwabo. Leelo ba Mwila bacitiila, nelyo baiminina pa lwabo, bacili ba membala
bamu PF.
No comments:
Post a Comment